এই পৃষ্ঠাটোৰ বৈধকৰণ হৈছে
৩৬
মঞ্জৰী
(১০৪)
তুমি কোৱাকেই আজি কব খোজো সখি
‘ভুল’ বুলি অতীতক নাই দিয়া ঠাই;
ভুল হ'ল প্ৰথমেই পথৰ সন্ধান লোৱা
আজি আৰু বুজিবলে বাকী থকা নাই।
(১০৫)
যৌৱন তীৰত বহি লিখোতে অলেখ
কণ কণ মুকুতাৰ ৰূপালী কিৰণ;
শেৱালীয়ে তৰিছিল প্ৰণয়ৰ ইন্দ্ৰজাল
পাহিছানি জ্বলিছিলে অৰুণ-বৰণ।
(১০৬)
আৱেশ সুৱগী সুৰ নুশুনিলোঁ ক'তো
নেদেখিলো চিন-চাব দীপ্ত অমিয়াৰ;
থাকিল মাথোন জ্বলি অনন্ত এগছি বন্তি
ধিমিকি ধিমিকি জ্বলি পাষাণী পুজাৰ।
