এই পৃষ্ঠাটোৰ বৈধকৰণ হৈছে
মঞ্জৰী
৩৩
(৯৫)
নহবা কুণ্ঠিতা আজি যাবা দূৰলই
যোৱাগই মোৰ আৰু শেষ-উক্তি নাই;
মহান ক্ষণত প্ৰিয়া নাই মোৰ অৰ্ঘ্য দান
ছন্দ-হীন গীতিকাৰে মাগিছোঁ বিদায়।
(৯৬)
শেৱালীৱে আঁকিছিলে ছবি অৰুণৰ
শেৱালীৱে কৰিছিলে কৱিতাতে স্নান;
দেহাৰ এফালে জ্বলা অজান ইকুৰা জুয়ো
শেৱালীৰে যৌৱনৰ শ্ৰেষ্ঠ-অৱদান।
(৯৭)
বিদায় বেলাত আজি নকৰি আক্ষেপ
নানিবা মনত কথা সেই শৰতৰ;
মিলনৰ পূণ্য-ভূমি ছিন্ন হব বেজাৰত
শোকৰ কৱিতা ঘোষি দুটি পৰাণৰ।
