এই পৃষ্ঠাটোৰ বৈধকৰণ হৈছে
৩০
মঞ্জৰী
(৮৬)
হৃদয় নিকুঞ্জ আজি মৰহি শুকাল
যৌৱনৰ ভঁৰা-সুঁতি পকা বালি হ'ল;
আল্ফুলে কেতেকীৰ কোমল কৱিতা চুমি
বীণা খনি ভাঙি-চিঙি নাইকিয়া হ'ল।
(৮৭)
শুনা সখি অনন্তত বাজিছে ‘দুন্দুভী’
বাজিছে মেলানি ৰৱে তন্ত্ৰী পৰাণৰ;
হিয়া-সিন্ধু দুলি উঠা প্ৰেমৰ সৌৰভ আজি
লোৱা উপহাৰ বুলি চিৰ-বিদায়ৰ।
(৮৮)
আৱেগৰ সুধা-সনা ‘তৰুৱা কদম’
কুসুম মালিকা গাঁথি নাই যচা আজি;
যচা নাই শুনি শুনি ‘কটুৰ’ আমনি পোৱা
বুলৰ সুৰভি কণ্ঠ কল্পনাৰে সাজি।
