এই পৃষ্ঠাটোৰ বৈধকৰণ হৈছে
মঞ্জৰী
২৯
(৮৩)
নাহিবা ওচৰ চাপি দীন-দুঃখী মই
আধা বন্ধা খোপাটিত কিনো গুজিদিম;
ভিক্ষাৰীৰ ‘লাওলোৱা’ নাই সখি বন-ফুলো
তোমাৰ চেনেহী ছবি কিহেৰে পূজিম?
(৮৪)
অনন্ত মাধৱী ৰাতি নুপুৱালে সখি
নেদেখিলোঁ সেইদিনা চিন মানিনীৰ;
বকুল বনত মাথো শুনিছিলোঁ একেৰাহে
গাই গাই জীণ যোৱা গীত কেতেকীৰ।
(৮৫)
লবানেকি! লোৱা তেনে শেষ অৰ্ঘ্য দান
যাওঁ গই বিদায়ৰ বাতৰি জনাই;
থাকক থাকিলে আৰু অস্ফুত প্ৰাণৰ ভাষা
সময় আহিলে কম হিয়া উদঙাই।