এই পৃষ্ঠাটোৰ বৈধকৰণ হৈছে
২৬
মঞ্জৰী
(৭৪)
চেনেহৰ দিগ্-বাণি গৰিয়লী কৰি
প্ৰীতিৰ আচুঁৰে তুলি চানেকি তোমাৰ;
তোমাতে তোমাৰ ছন্দ সানি দিব খোজোতেই
মাধুৰী হেৰাব খোজে মোৰ কৱিতাৰ।
(৭৫)
প্ৰণয়ৰ ‘গাথিয়ন’ থাকিল থকাতে
হালধীৰ বোল গ'ল কৰবালে উটি;
চিৰ-ব্যৰ্থ যৌৱনৰ সজোৱা কুসুম ডালি
ছন্দে-ভৰা পাহি ছিগি হ’ল এটি এটি।
(৭৬)
‘ইডেনৰ উদ্যানত নাই অনা গাঁথি
বাসৰুৱা ‘দুগ দুগী’ শুভ্ৰ টগৰৰ:
মৰমে জেউতি খজা নেজ পতা কেৰু নাই
চেনেহৰ চিন মোৰ চিৰ-জনমৰ।
