এই পৃষ্ঠাটোৰ বৈধকৰণ হৈছে
২৪
মঞ্জৰী
(৬৮)
নাজানো ‘গায়ত্ৰী’ সুৰ তোমাৰ বন্দনা
প্ৰেমৰ পবিত্ৰ সখি নাই গঙা-জল;
অনন্ত ক্ষীৰৰ দধি মথোঁতে মথোতে সিওঁ
অমৃত ভাণ্ডাৰ গুচি হ'ল হলাহল।
(৬৯)
হৃদয়ৰ মাধুৰীমা নাই কুঞ্জ-মধু
নাই একো দিবলই নেমেলিবা হাত;
‘জালিকটা’ দুঠিয়া খনিয়া চেলেঙ নাই
দিবলই ছাতি মাৰি আলসুৱা গাত।
(৭০)
চিতাৰ অগনি জ্বলি দহিলে হঠাতে
কলিজাৰ যি পাহি কামিনী-কাঞ্চন;
সেয়ে সখি পূৰ্ণ-অৰ্ঘ্য আছিল তোমালে মাথোঁ
অশ্ৰুভৰা দৰদৰ মাধুৰী চন্দন।
