এই পৃষ্ঠাটোৰ বৈধকৰণ হৈছে
মঞ্জৰী
১৯
(৫৪)
কব পাৰা ভুল সখি “কবিতা নৈবেদ্য”
সৃষ্টিৰ ৰহস্য তাত আছিল লুকাই;
বিজয়া তিথিৰ দিনা ভুল হ'ল দেৱী পূজা
পৰাণৰ ভাল পোৱা ভুল হোৱা নাই।
(৫৫)
সবিতাৰ সু-শীতল ৰূপ-জেউতিত
নতুনৰ কুঁহি-কলি নাযাব শুকাই;
বোকাত পদুম ফুলি সেন্দুৰী সুষমা ৰাশি
বিৰহ বিধুৰা বা-ক নীৰলে বিলাই।
(৫৬)
যোগবলে কোনোজনে মৃত্যু কৰে জয়
কাৰোবাৰ জগতত অস্তিত্ব হেৰাই;
যুঁজি যুঁজি কোনোজনে অশান্ত পৰাণ লই
গহীন বনত বহি জীৱন কটাই।
