এই পৃষ্ঠাটোৰ বৈধকৰণ হৈছে
১৮
মঞ্জৰী
(৫১)
অৰ্পিম যৌৱন সখি ভুলৰ পূজাত
নাভাবিবা কাতৰত গাম আৱাহন;
অগণন গীতি-নৃত্য অনন্ত অযুত বাদ্য
বাজিব পূজাত সখি কৰি প্ৰাণ পণ।
(৫২)
নাভাবিবা ফল-পুষ্প আথানী এনেই
যৌৱনৰ ধূপ, দীপ অৰিহণা নাই;
ছিন্ন ভিন্ন হৃদয়ৰ শেষৰ সমল খিনি
ভাবিছা পূজিম লই নীৰৱে গোটাই!
(৫৩)
অনন্ত ছন্দিকা ভৰা নুশুনা আজিতো
মঙ্গল আৰতি গীতি নাই মন্দিৰত;
তেজৰ নিশ্বাস এটি নোপোৱা আজিতো সখি
‘প্ৰেমৰ পাতত’ দিয়া মোহন ভোগত!
