এই পৃষ্ঠাটোৰ বৈধকৰণ হৈছে
মঞ্জৰী
(১৭)
(৪৮)
সেইদিনা সখিয়তী অতীত বিচাৰি
প্ৰতিমাৰ মূৰ্ত্তছবি একেথৰে চাব;
ৰাগিণী মুঞ্জৰি উঠা অনন্ত বেদনা পূৰ্ণ
বিৰহৰ প্ৰেম-গীতি তাতে বহি গাব।
(৪৯)
বিতোপন শৰতৰ ছবি হেৰুৱাই
নিজান বনত পখি চকুলো টুকিব;
নিয়ঁতিৰ বুকু কঁপা বিকট চিঞৰ এটি
নিস্তব্ধ ৰজনী ভেদি আকুলি উঠিব।
(৫০)
গাম সখি সেইদিনা প্ৰাণভৰা-গীতি
অতীতক দূৰণিলে' দিম দলিয়াই;
মোহ-মুগ্ধ প্ৰকৃতিৰ নতুন চানেকিখনি
নিৰাশ বুকুত লম যতনে ভৰাই।
