এই পৃষ্ঠাটোৰ বৈধকৰণ হৈছে
(১২)
মঞ্জৰী
(৩৩)
সেই তাতে নিজানত, ফল্গু সলিলৰ
তীৰত নীৰলে বহি শেষ গীতি গাম;
পুৰণি চকুত মোৰ নতুনৰ বোল সানি
পথহাৰা তটিনীৰ ঢউখেলা চাম।
(৩৪)
ৰূপৰ প্ৰতিমা গঢ়ি কতজনে আজি
কণ কণ মুকুতাৰ মালাৰে সজাই;
চাতুৰীৰ পদাঘাত সহিব নোৱাৰি কেৱে
নীৰলত বহি কান্দে ইনাই বিনাই।
(৩৫)
অদ্ভুত প্ৰেমৰ স্মৃতি নামানিব প্ৰাণে
অন্তৰ্দ্দাহী জ্বলাজুয়ো নাযাব নুমাই;
যাব মাথো যাব লগা বিৰহৰ শোক তাপ
ভঙাবুকু একেদৰে নেথাকে সদায়।