এই পৃষ্ঠাটোৰ বৈধকৰণ হৈছে
মঞ্জৰী
(১১)
(৩০)
যাম গুচি অসীমৰ গন্তব্য স্থানলে'
শান্তি-পুৰ্ণ শেষ-পথ ফুলেৰে সজাই;
শ্যামলা তোমাৰ পথ যোৱা তুমি সেই পথে
মোৰ পথ “দগ্ধ-চিতা” যাম আগুৱাই।
(৩১)
অলীক কল্পনা প্ৰিয়া নকৰিবা আজি
আগুৱান হোৱা মাথো বান্ধি লই বল;
বিচাৰিব পুনৰপি আঁতুৰ পৰাণে মোৰ
কলিজাৰ দহা-পোৰা প্ৰেম-গঙ্গাজল।
(৩২)
নবয় বসন্তৰ বা নাই কুঁহি পাত
পদুমৰ ফুল কলি কলিতে শুকাই;
নাই তাত গুণ গুণ বলিয়া অলিৰ স্বৰ
সেয়ে হব জীৱনৰ মাথো শ্ৰেষ্ঠ ঠাই।
