এই পৃষ্ঠাটোৰ বৈধকৰণ হৈছে
(৯)
মঞ্জৰী
(২৭)
ভাবিছা বাজিব আজি ছিন্ন হৃদয়ত
শৰতৰ সেই সুৰ গীত অনুপম;
ভাবিছা কিজানি আজি অবিনাশী অৰুণৰ
পাষাণ চানেকিটিকে আঁকোৱালি লম।
(২৮)
দেখিছিলোঁ পৰাগত পাপৰিৰ লয়
কৰিছিলে অদূৰত পৱনে কল্লোল;
অসীম কপাঁই তোলা শুনিছিলোঁ লতিকাৰ
যৌৱনৰ বিনন্দীয়া কান্দোনৰ ৰোল।
(২৯)
ৰচিম এখনি কুঞ্জ নিকুঞ্জ বনত
যত সখি ফলে ফুলে ফুলক সজাই;
বিৰহৰ স্বপ্ন দেখি ভাগৰি নপৰো য'ত
লভিম অনন্ত সুখ তাতে মিলি গই।
