এই পৃষ্ঠাটোৰ বৈধকৰণ হৈছে
মঞ্জৰী
(৯)
(24)
সেই শৰতৰ সখি এয়ে নেকি আজি
অযাচিতে যাচি দিয়া পূজাৰ সমল;
আহিবনে এনে হলে বিচাৰি বিশ্বৰ লীলা
মিলনৰ মউখোৱা চতুৰঙ দল?
(২৫)
নহয় সিকথা হায়! নোৱাৰে কদাপি
জীৰ্ণ-বুকু পাষাণৰ হেলাৰে টলাব;
ভেজপিয়া ঘাতকীৰ নিঠুৰ আঘাত আহি
তাতে লাগি নিলগত ছিটিকি পৰিব।
(২৬)
ভাবিছা হৃদয়ে আজি নিচিনে হৃদয়
জীৱনৰ সুৰ ভুলি হেৰুৱাব তৰী;
ওভতা ডকাত লাগি ডুবিব ফুলৰ নাওঁ
ভাগি যাব ডাঁৰ-চই চিঙি যাব জৰি!