এই পৃষ্ঠাটোৰ বৈধকৰণ হৈছে
(8)
মঞ্জৰী
(২১)
ভাবিছা উত্তাল সেই প্ৰণয়ৰ ঢৌত
ওপঙি ওপঙি সখি উটি গুচি যাম;
যৌৱন তৰণী খনি তৰঙত বুৰি গলে
অথাউনি জলধিত থাউনি নাপাম।
(২২)
সেইদিনা অজানিতে নিকুঞ্জ ফুলিলে
ৰেণুৰে বুলালে মোৰ কলি কৱিতাৰ;
তাকে লই পাহৰিম অনন্ত দুঃখৰ তাপ
পাহৰিম বুকুভঙা জ্বালা কলিজাৰ।
(২৩)
নপৰে মনত সথি সান্ধ্য-সমীৰণে
যমুন৷ তীৰত গোৱা প্ৰেম-পূৰ্ণ গান;
অনন্ত লহৰী লই মিলনৰ ছন্দ গঁথা
অপূৰ্ব্ব মাধুৰী সেই সুমধুৰ তান৷