পৃষ্ঠা:ভাগ্য পৰীক্ষা.pdf/১১

প্ৰস্তাবনা]

ভাগ্যপৰীক্ষা

ভাগ্যে শুদা, কি কৰিব পাৰে ধন যদি নেথাকে সহায়?

ভা-ক	ধনকন্যা, নাই বল ধনৰ সমুলি। ধনৰ যি বল দেখি, জোনৰ পোহৰ যেনে, নিজৰ নহয়; ভাগ্যৰহে বল সিও; অবুজন জনে জানে ধন-বল বুলি। 'ভাগ্য নেথাকিলে,ধনত সকাম নাই, নোৱাৰে কৰিব একো ধনে; ভাগ্য হলে, এনেয়ে ওলায় ধন, ধনৰ নাটনি বুলি ন’হৈ নেথাকে কোনো কাম।

ধ-ক	কি হব মুখেৰে ক'লে? আহাঁ বাৰু কৰি চাওঁ প্ৰমাণ ইয়াৰ।

ভা-ক	দিনে দিনে জগতত ইয়াৰেহে প্ৰমাণ সদায়; তেও যদি লাগে কিবা নতুন প্ৰমাণ, কৰাঁ বাৰু, যেনে মন যায়।

ধ-ক	আহাঁ তেনে, যাওঁ দুয়ো ছদ্মবেশ ধৰি। সমুলি দুখীয়া চাই কৰোঁ। মই এজনক ধন বিতৰণ, নেলাগে কৰিব তুমি সহায় একোকে, অকল ধনেই চাবাঁ কি কৰিব পাৰে।