এই পৃষ্ঠাটোৰ বৈধকৰণ হৈছে
১৬৬
ভক্তি-ৰত্নাৱলী
ধৰ্ম্ম অৰ্থ কাম, দিবে হৰি নামে,
কিবা কথা কৈব আত॥
বুলিবি সংশয়, যেবে এহি হয়,
কহিলা যি সব অৰ্থ।
মনু আদি কৰি, প্ৰায়শ্চিত্ত যত,
বিহিলন্ত সবে ব্যৰ্থ॥৭৮৩॥
তাহাত বিস্তৰ, প্ৰয়াস আছয়,
হৰি নাম সুখকৰ।
কেৱলে নামক, কীৰ্ত্তন কৰিয়া,
কৃতকৃত্য হৱে নৰ॥
নাম এৰি আন, গুৰু প্ৰায়শ্চিত্তে,
যেহেতু প্ৰবৰ্ত্তে প্ৰাণী।
নামে সত্য কিবা, প্ৰায়শ্চিত্তে সত্য,
স্বৰূপ একো নজানি॥৭৮৪॥
ইহাৰ উত্তৰ, শুনিবি কিঙ্কৰ,
হৈয়া সাৱধান মন।
বিহিলন্ত প্ৰায় -শ্চিত্ত মনু আদি,
যত মহা সাধুজন॥
যেন অল্প মতি, বৈদ্যে নজানিয়া,
মহা মৃত্যু সঞ্জীৱনী।
তথাপিতো নানা -বিধ ঔষধক,
ৰোগীয়াক দেয় আনি॥৭৮৫॥
