এই পৃষ্ঠাটোৰ বৈধকৰণ হৈছে
১৬৭
পঞ্চম বিৰচন
সেহি মতে ব্ৰহ্মা, হৰ প্ৰতি মুখে,
বাৰ জন ব্যতিৰেক।
মনু আদি কৰি, ইটো সংসাৰত,
মহন্ত আছে যতেক॥
হৰিৰ নামৰ, পৰম ৰহস্য,
মহিমাক নজানন্ত।
বাৰ বাৰিষিক, আদি কৰি নানা,
প্ৰায়শ্চিত্ত বিহিলন্ত॥৭৮৬॥
কৃষ্ণৰ দুৰ্জ্জয় মায়াত সবাৰো,
বিমোহিত ভৈল মতি।
বেদৰ মধুৰ, পুষ্পিত বাক্যত,
কৰন্ত সদায় ৰতি॥
ফল হীন মনো- হৰ বেদ বাদে,
জড়ীকৃত ভৈল চিত্ত।
এতেকে নামক, নজানি বিহিল,
মহা কৰ্ম্ম প্ৰায়শ্চিত্ত॥৭৯৭॥
প্ৰকৃতিৰ গুণে, বশ্য হৈয়া অতি,
অল্প মতি মূঢ় নৰে।
অস্পষ্ট কঠিন, মহা মন্ত্ৰ আদি,
ঘোৰ কৰ্ম্মে ৰতি কৰে॥
অলপ অক্ষৰ, পৰম কোমল,
ৰাম কৃষ্ণ আদি নাম।
