এই পৃষ্ঠাটোৰ বৈধকৰণ হৈছে
১৬৪
ভক্তি-ৰত্নাৱলী
পৰম অনাথ মোত পৰে নাহি আন।
মহা কাৰুণিক নাহি তোমাৰ সমান॥
শুনি আছো তুমি মহা পতিতৰ গতি।
মোত পৰে নাহি মহা পতিত সম্প্ৰতি॥৭৭৭॥
পতিত পাৱন হেন জানিয়া তোমাক।
পশিলো শৰণ নাথ নেৰিবা আমাক॥
তোমাক নেৰোক সদা মোৰ ইটো মনে।
সামাজিক লোক ৰাম ৰাম বোলা ঘনে॥৭৭৮॥
দুলড়ী
নামৰ পৰম, অতৰ্ক মহিমা,
শুনিলাহা সবে প্ৰজা।
শুনা আৰো যেন, দূতৰ আগত,
কহিলন্ত যম ৰাজা॥
বিষ্ণুৰ দূতৰ, মহা পীড়া পাইয়া,
তিনিও যম কিঙ্কৰ।
যমৰ আগত, পড়ি মহা দুঃখে,
দিলেক কান্দি গোচৰ॥৭৭৯॥
দূতৰ অৱস্থা, দেখিয়া যমৰ,
পৰম কৃপা মিলিল।
তিনিও দূতক, আশ্বাসিয়া পাছে,
মাতিয়া প্ৰবোধ দিল॥
