এই পৃষ্ঠাটোৰ বৈধকৰণ হৈছে
১৬৩
পঞ্চম বিৰচন
কৰোহো তোমাৰ দূৰ অসম্ভাৱনাক।
সাক্ষাতে প্ৰমাণ পুনু দেখাওঁ তোমাক॥৭৭১॥
মিলৈ ছাগলিতো দ্বিজ হেনসে অধম।
আৰো মৃত্যু বেলা চিত্ত অসুস্থ পৰম॥
হৰিনাম লওঁ তাৰ নাহি হেন মন।
পুত্ৰ উপচাৰে নাম কৰিল কীৰ্ত্তন॥৭৭২॥
তথাপিতো দগ্ধ কৰি সমস্ত পাপক।
পাৰিষদ ৰূপ ধৰি গৈল বৈকুণ্ঠক॥
হেনয় নামক যিটো লৱে ভক্তিভাৱে।
তাহাৰ ভাগ্যক কোনে কহি অন্ত পাৱে॥৭৭৩॥
জানি ইটো পৰমাৰ্থ সভাসদ জন।
হৰি গুণ নাম কৰা সদায় কীৰ্ত্তন।
এতেকে এড়াইবা সুখে সংসাৰৰ হাত।
দুৰ্লভ মুকুতি পদ লভিবা সাক্ষাত॥৭৭৪॥
নমো নমো নাৰায়ণ দেৱ হৃদীশ্বৰ।
কিঞ্চিতেক কৃপা মোক কৰা দামোদৰ॥
মোৰ কৰ্ম্ম গতি জন্ম হৌক যথা তথা।
তযু ভকতৰ সঙ্গ নেৰোক সৰ্ব্বথা॥৭৭৫॥
তোমাৰ নিৰ্ম্মল কথা শুনিবো সতত।
নুগুচোক মোৰ মুখে তযু নাম যত॥
তযু পাদপদ্ম সদা মনে সুমৰোক।
এহি মান অনুগ্ৰহ কৰা প্ৰভু মোক॥৭৭৬॥
