পৃষ্ঠা:বৈষ্ণব-ৰত্ন কীৰ্ত্তন.djvu/২১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

[ ১১ ]


দুঃশলাৰ অধিপতি,   সিন্ধুৰ নন্দন যিটি,
 নাম জয়দ্ৰথ বীৰবৰ।
সভা মাজে উচ্চৈ স্বৰে,  স্তুতি কৰে শ্ৰীকৃষ্ণেৰে,
 কওঁ শুনা তাৰ তত্ব সাৰ॥৩৬
শ্ৰীকৃষ্ণ নামক ধৰি,  যদুকুলে অৱতৰি,
 আছে যিটো দেৱ নাৰায়ণ।
পুৰাণত উক্ত আছে,  প্ৰসিদ্ধ চোৰক বুলি,
 পাপহাৰী নামৰ কাৰণ॥
হেন জানি প্ৰভু তুমি,  নামৰ মহত্ব ৰাখা,
 কৃপা কৰি ইদাসৰ প্ৰতি।
জম্মাৰ্জিত পাপ যেন,  তযু নাম সুমৰণে,
 হৰি কৰা, চৰণত গতি॥৭
তাৰ পিচে কাশীৰাজে,  প্ৰণমিয়া সভামাজে
 যেন স্তুতি কৰিয়া বোলয়।
বাসুদেৱক এৰিযিটো,  অন্য দেৱ উপাসয়,
 গঙ্গা পাৰে কুপক খাণ্ডয়॥
হেন জানি জগন্নাথ,  তযু চৰণত যেন,
 মোৰ মতি থাকে অনুক্ষণ।
নকৰা চঞ্চল মতি,  কৰিছোঁ কাকুতি অতি,
 এ হি ভিক্ষা তোমাৰ চৰণ॥৩৮