এই পৃষ্ঠাটোৰ বৈধকৰণ হৈছে
২
বৈদেহী-বিচ্ছেদ।
১ম অ:। যূতি নলওঁ জাতি নিদিওঁ
জাতি আমাৰ ধন;
২য় অ:। আমি তুলিম টগৰ, কৰিম ৰগৰ,
জাতিত নিদিওঁ মন।
২য় অ:। যি বুজে মোল-তুলিব ফুল,
কেতেকী গোলাপ;
৩য় অ:। কেতেকী গোলাপত আছে,
কাঁইট্ আৰু সাপ্।
⸺
গীত গাই ২ চতুৰ্থ অপ্সৰীৰ প্ৰবেশ।
গীত।
ফুল কাৰ, ফুল যাৰ, ফুল তাৰ ফুল,
ফুলে যাৰ আছে হাবিলাষ,
লাগে ফুল, তুলিম ফুল,
যায় প্ৰাণ তাতো সাহ।
কাঁইট তুচ্ছ কথা,
বিষধৰো তুচ্ছ বাধা,
ফুলৰ প্ৰেমত, কত মহত
জীৱত নৈৰাশ।
১ম অ:। (চেৱে চেৱে চাপৰি বজাই একে সুৰত সৰ লগাই)
ঠিক্ ঠিক্ ঠিক্ সখী,
তুমি চিনা ফুল।
