পৃষ্ঠা:বীণ-বৰাগী (Bin-Baragi).pdf/১৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


      ভাবিলোঁ সুন্দৰ
সুখৰ ভঁৰাল কিনো
      ঠেক অন্ধকাৰ!
সুখতে মধুৰ আৰু
      মোহৰ কঁৰাল,
বিধিৰ কৃপাত পুনু
      হলোঁহে উদ্ধাৰ৷
কি সুন্দৰ মুক্ত বায়ু,
      নালিম আকাশ―
কি সুখৰ জোন বেলি
      জেউতি প্ৰকাশ!
অসীম সাগৰ মোৰ
      নাৱেৰেই ভৰা,
মহাসদাগৰ মই
      অতীজৰে পৰা৷
অনন্ত ভঁৰাল মোৰ
      শস্য সাঁচি থওঁ,
অসীমৰ পথাৰত
      বীজ সিচি দিওঁ৷
কণ-গেলা বীজেৰেই
      নিত্য বীজ পোহোঁ,
বীজৰ বেপাৰী মই
      বীজকেহে বেহোঁ৷