এই পৃষ্ঠাটোৰ মুদ্ৰণ সংশোধন কৰা হৈছে
পূজা
⸻⸻⸻⸻⸻⸻⸻⸻⸻⸻
প্রতিমা নির্ম্মাণ কৰ
মানুহৰ আকৃতিৰ।
পিন্ধায় কেডালমান
কমদামী বজৰুৱা অলঙ্কাৰ,
ফিৰফিৰীয়া চিল্কৰ কাপােৰ।
তাকো
নিজে তো নকৰ পূজা।
পূজাৰ সম্পূৰ্ণ ভাৰ দিয় ব্রাহ্মণক;
দিয় বেচ তাৰ বাবে
প্রকাণ্ড মজুৰি এটা।
বহু সময়ত
পাহৰ সেৱাৰ কথা,
নাপাৱ আজৰি
চাবলকো প্রতিমাৰ মুখ ;
পূজা কৰি যায় মাথো মজুৰ ব্ৰাহ্মণে৷।
নহয় সি পূজা অন্তৰৰ।
ধনৰ লোভত
পূজাৰীয়ে কৰে ব্যৱসায় ;
মাতে কিছুমান
অশুদ্ধ পূজাৰ মন্ত্র
অর্থ তাৰ নুবুজে নিজেই
ইমানতে হয় পূজা শেষ,
