এই পৃষ্ঠাটোৰ বৈধকৰণ হৈছে
১৮ বিপ্লবী
⸺⸺⸺⸺⸺⸺⸺⸺⸺⸺⸺
মুগ্ধ হয় কোনো জন;
কোনো জনে কাঢ়ে হুমুনিয়া।
কিন্তু
যেতিয়া এবাৰ ভাবোঁ
কত কোটি কোটি টকা ৰাজ-ভঁৰালৰ
লয় গ’ল এজনৰ এটি কবৰত,
তেতিয়াই হই উঠে বিদ্ৰোহী অন্তৰ।
কাৰ টকা?
ৰজাৰ নহয় ধন ৰাজ-ভঁৰালৰ।
ই যে ভাৰতৰ কৃষকৰ
পেলাই মূৰৰ ঘাম,
হাড় মাটি কৰি,
পানী কৰি তেজ
ঘটা ধন ৷
ছাহজাহান ৰখীয়া মাথোন।
সেই ধন
দেশ ৰক্ষা, স্বাস্থ্য ৰক্ষা শিক্ষাৰ প্ৰচাৰ
আৰু নানা হিতৰ কাৰণে
অনাহাৰী, অজ্ঞ, ৰোগী
নিঃকিন প্ৰজাৰ।
কিন্তু
কি কৰিলে মোগল সম্ৰাটে?
