এই পৃষ্ঠাটোৰ বৈধকৰণ হৈছে
তাজমহল
⸺⸺⸺⸺⸺⸺⸺⸺⸺⸺⸺
তেতিয়াহে হব সুগঠিত
মানৱ-সমাজ
বিপ্লবৰ মাজেদিহে গুচিব বিপ্লব।
⸻⸻
তাজমহল
তাজমহল—
প্ৰেমৰ সমাধি।
প্ৰেয়সীৰ বিৰহত
মৰ্ম্মাহত প্ৰেমিকৰ
কলা কলিজাৰ
নিগৰি ওলোৱা
এটোপাল ৰঙা তেজ,
গোট মাৰি আছে চেঁচা হ’ই
সুদৃশ্য মৰ্ম্মৰ ৰূপে—তাজ ৰূপে,
বিশ্বত প্ৰচাৰ কৰি
প্ৰণয়ৰ গৌৰৱ-কাহিনী।
তাজমহল—
কীৰ্ত্তি-স্তম্ভ ছাহজাহানৰ,
মূৰ্ত্তিমান শোকৰ কবিতা।
শুনি তাত সম্ৰাটৰ
বিয়াকুল অন্তৰৰ বিৰহৰ সুৰ
