এই পৃষ্ঠাটোৰ বৈধকৰণ হৈছে
( ১০১ )
কৰি আহাঁ ৰাজ অভিষেক;
প্ৰতিজ্ঞা আবদ্ধ মই
বনবাস নহ'লে অতীত
নোসোমাও কোনো ৰাজধানি;
যোবাঁ তুমি সেইবাবে
মোৰ প্ৰতিনিধি ৰূপে
সুগ্ৰীৱক ৰজা পাতি আহাঁ,
অঙ্গদক যুবৰাজ কৰিবা বৰণ,
জনাবা আশীষ মোৰ
দুয়োটিৰ আনন্দ দিনত।
লক্ষ্মণ। যিবা আজ্ঞা কৰিম পালন;
ক’ম সমাচাৰ,—
বৰ্ষাকাল শেষ হ’লে সেৱা সমন্বিতে
যাম সকলোটি আমি লঙ্কা অভিমুখে।
ৰাম। সকলো বিধান তুমি কৰিব লক্ষ্মণ;
হ’ব আজি সুগ্ৰীৱৰ ৰাজ অভিষেক
কৰি আছাঁ শুভকাৰ্য্য় তুমি সমাপন।
লক্ষ্মণ। আহিলোঁ এতিয়া,
অবিলম্বে আহিম উলটি। |
[ লক্ষ্মণৰ প্ৰস্থান ]
