পৃষ্ঠা:বালীবধ নাটক.pdf/১০৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
( ১০০ )

সকলোতে শান্তি বৰষিছে।
বৰ্ষ, চাৰি মাহ থাকিম ইয়াতে
বৰ্ষ, ঋতু নহ’লে অতীত
নোৱাৰিম যাব আমি লঙ্কাৰ উদ্দেশে।
লক্ষ্মণ। এই ওখ পৰ্ব্বত শৃঙ্গৰ পৰা
দেখা যায় কিষ্কিন্ধ্যাৰ শোভা মনোহৰ;
জনপূৰ্ণ ৰাজধানি
অৰণ্যেৰে বেষ্টিত চৌপাশে,
ৰমণীয় অপূৰ্ব্ব দৰ্শন।
পৰিষ্কাৰ ৰাজ আলি
সুশোভিত পানীৰ তৰাগ,
পাৰে পাৰে নাহৰ শোভিত;
বাটৰ দাতিয়ে পতি
শাৰী শাৰী ইটাৰ দেৱাল।
আহে যায় বাটৰুৱা
গৰী ঘোঁৰা চলিব লাগিছে
সকলোৱে মিলি
স্ৰজিছে মিশ্ৰিত এটি গহীন শবদ।
ৰাম। যোৱাঁ ভাই,
সুগ্ৰীৱক কিষ্কিন্ধ্যা পুৰত