পৃষ্ঠা:বালীবধ নাটক.pdf/১০৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
( ১০২ )

ৰাম। আহিব শৰৎকাল বৰ্ষাৰ শেহত;
পৃথিবীৰ বাৰ্ষিক গতিৰ ফলে
সুখ ঋতু দুখ ঋতু প্ৰকাশে ধৰাত;
আহে সুখ দুখৰ পিচত
কিন্তু মোৰ এই অনন্ত দুখৰ
কেতিয়াবা পৰিবনে ওৰ?
হেৰুৱালে। সীতাক বনত
হেৰুৱালোঁ শান্তি হৃদয়ৰ,
বান্ধি ললোঁ দুখৰ ভীষণ ভাৰ
নিৰুপায় বাট হেৰুৱালোঁ।
দুটি ভাই দুটি প্ৰাণী আমি
নোৱাৰোঁ কৰিব যুদ্ধ
লক্ষ লক্ষ লঙ্কাৰ সেনাৰে;
সুগ্ৰীৱই কৰিব সহায়
সেই আশা হিয়াত থাপনা।
প্ৰাণ ধৰি আছে হৃদয়ত।
[ ৰামৰ প্ৰস্থান ]