এই পৃষ্ঠাটোৰ বৈধকৰণ হৈছে
মিৰি গাৰো অঁকা,
শ্যামা লথা নগা,
সকলো উঠিছে নেপালী খাছিয়া॥
নোগোটালে উঠি,
ইবেলি এমুঠি,
কিনো খাবা ককাই হলে দুপৰীয়া॥
কত একাদশী,
কৰিবা আঁউসী,
টানিব কিমান দিন দেহা লঘোনীয়া॥
অথিৰ-অবিৰ হবা,
উটিবা-বুৰিবা,
বাগিচ৷ কুলিৰে| হবা মগনীয়া॥
হেৰুৱাবা মৰ্জাত,
নেপাই জীৱনৰ ভাত,
অজাতি বিদেশীৰ হবা বহতীয়া॥
চোৱাঁ বেৰে দিনি,
ৰদৰ জিলিঙ্গনি,
কাবৌটি কৰিছোঁ উঠা অসমীয়া॥
ৰণুৱা গীতেৰে,
যুজিবা তেজেৰে,
জিকিব পাৰিলে হব৷ বিনন্দীয়া॥
