এই পৃষ্ঠাটোৰ বৈধকৰণ হৈছে
মেঘৰ তবলাৰে কাণ কলা হ'ল
বিজুলীৰ নাচে চকু চাঁট মাৰি গ'ল
তথাপি ভাবিলো আৰু অলপ ৰৈ
নাচটো শেষলৈ চাওঁ
ঘূৰাৰ বাহিৰে আন কিবা প’জ
কিজানি দেখাই পাওঁ!!
একেটা পজতে নাচি থকা দেখি
দৰ্শক যাবলৈ ল'লে
‘এৰেইঞ্জ’ কৰোঁতা জোনেও ভালকৈ
এঘুমটি হেনো শুলে॥
‘লাইট অফ্’ হোৱা পেণ্ডেলতে ৰ'লো
নাচ চোন নহয় শেষ
দুচকুত মোৰ বিষ উঠি গ'ল
চাই থাকি অনিমেষ॥
ঘূৰি চাই দেখোঁ সকলো দৰ্শক
কোন কেতিয়াই উঠিল।
‘আজি মোৰ প্ৰগ্ৰেম্ নহ'লেই' বুলি
কোনোবাই ৰাউচি জুৰিল॥
জুমি চাই দেখোঁ কান্দি কান্দিয়েই
বৰুণ আহিছে নামি
কৰা মেক্ আপ ‘মেক্ আপ’তে ৰ’ল
গোটেইতো গৈছে ঘামি॥
বনৰ বন্ধুৰ মনৰ খবৰ ॥ ৫১॥