এই পৃষ্ঠাটোৰ বৈধকৰণ হৈছে
ফুলৰ চানেকি।
সংসাৰ-ধুমুহা।
মুকলি হিয়াৰ মুকলি দুৱাৰ
কত ভাব আহে যায়;
কল্পনা লগৰী নিকুঞ্জ বিহাৰী
নিফুট বাঁহীটি বাই।
আকাশ কুসুম, মৰ্ত্য়ৰ কুটুম,
একাকাৰ কৰি উৰে;
অমৰ বাঞ্ছিত স্বৰ্গৰ সঞ্চিত
সম্ভাৰ সম্ভোগ কৰে।
অতীত ভবিষ্য, চকুৰ অদৃশ্য়,
দুখনি সুন্দৰ থান;
স্মতিৰ পথত, কল্পনা ৰথত,
জোৰেহি মিলন তান।
সোৱঁৰণী পট, আনন্দ জগত
মধুৰ মিলন কথা;
ভবিষ্য মূৰতি আশাৰ ছবিটি
মৰমে মৰমে গঁথা !