এই পৃষ্ঠাটোৰ বৈধকৰণ হৈছে
৯৮৬
ফুলৰ চানেকি।
কতনা সন্ধিয়া-বেলি দিনে মাৰ যায়,
নিতে নৱ জনম কাৰণ;
নেদেখা ভাগৰ নৰে দিনে দেখা পায়
নিতে নৱ উষাৰ হৰণ।
দুপৰ-সূৰুষ আৰু মাজনিশা ৰাতি
বিপৰীত উৎপতি লয়;
দিনে দুই অৱসান, নিজম সংসাৰ
দুটিবাৰ সচেতন হয়।
জগতৰ উদ্গতি গতি অবিৰাম
সৃষ্টি-স্থিতি আছে যত দিন;
অমৰণ অভগন উষাৰ মিলন
আজীৱন উন্নতিৰ চিন্।
অসমৰ কপালত উষাৰ জনম
ভূভাগত সৱাতকৈ আগ;
আগ হই অসমীয়া যাত্ৰী যতমানে
লোৱাঁগই যত আগভাগ।
