এই পৃষ্ঠাটোৰ বৈধকৰণ হৈছে
৯৮৮
ফুলৰ চানেকি।
পাহৰা সুমৰি বিমানত চৰি
উটি বুৰি ফুৰে মন;
আকাশী স্বপ্নৰ সাজি সুখঘৰ
আকুল উদাস প্ৰাণ;
নিৰ্ম্মল আকাশ কত হাবিয়াস,
পিন্ধিব মুকতা মণি;
মিলি অপেচৰা আপোন পাহৰা
সুখ-গীত গোৱা শুনি।
প্ৰকৃত প্ৰমাণি, ভাবে ভাব টানি,
ওপঙি ফুৰিব দেখি,
ঘাই ভাব যুৰি ম’ৰাচালি ধৰি
উড়াও বিচাৰি সখী।
অৱশ শিথিল, হিয়া জিল্মিল্,
নাই গাত সাৰসুৰ,
জীৱন্তে নিৰ্জ্জীৱ জীৱাত্মা সজীৱ
হয় আপুনি আতুৰ !