এই পৃষ্ঠাটোৰ বৈধকৰণ হৈছে
২৬
পৰীক্ষা।
নোহে সুখলভনীয়, গতি প্ৰকৃতিৰ
যাব ব্যতিক্ৰমি। শুভে! নকৰা আপত্তি।
ইও দেৱ-কাম, তযু কৰ্ত্তব্য ভিতৰ।
ইন্দ্ৰ-চন্দ্ৰ যেনে দেৱ, যেনে দেৱ বায়ু বা বৰুণ,
বসন্ত-মদন নোহে অংশে মন্দতৰ।
দেৱেন্দ্ৰৰ বাঞ্চা যদি দেৱ-কাম, নোহে
কিয় বাঞ্চা বা আমাৰ? আৰু ছোৱা-শুভে!
সংযমৰ পৰীক্ষাতে অধিক গৌৰব।
দেৱতা-বাঞ্চিত, দেৱ-লোভনীয়, এনে
মান-যশঃ-আদি কৰি লভিছে অৰ্জ্জুন।
দেৱে কৰি অসম্মান, অৰ্জ্জুন বহিছে
আজি দেবেন্দ্ৰেৰ পাশে। ব্ৰহ্মা-বিষ্ণু-হৰে
নিজে খোজে যিবা মান, তাৰে আজি পাৰ্থ
সম্মানিত। অসহনি দেৱতাৰ এনে
অসন্মান। নোহে যদি সুসংযত-চিত্ত,
ধনঞ্জয়-বিপতন সত্যৰ গৌৰব।
দেৱতাৰ বাঞ্চা, ভদ্ৰে! দেৱ-অনুৰোধে
কৰা এই কাম, কৰা পৰীক্ষা পাৰ্থক।
যোৱা পাৰ্থ-পাশে; দেখাই অপ্সৰী-লাস,
ভ্ৰুযুগত জুৰি কুটীল কটাক্ষ-বাণ,
