এই পৃষ্ঠাটোৰ বৈধকৰণ হৈছে
প্ৰতিধ্বনি
( ৭০ )
শুভক্ষণে আজি শুভ সম্মিলনে
ধৰা সমস্বৰে মঙ্গল-গান;
উঠলি উঠিছে বিশ্ব মানৱ,
নবীন উলাহত নাচে প্ৰাণ।
ৰঙালী জগত, ৰঙালী জীৱন,
মুক্ত আকাশ, মুক্ত পৱন,
শূণ্যত বৰষে, আশীষ কিৰণ,
স্বৰগত উঠে মিলন-গান!
মিলিছোঁ সকলে এৰি ভেদ-ভাৱ,
প্ৰাণে প্ৰাণে উঠে প্ৰাণৰ আৰাৱ,
একেটি কৰ্ম্ম, একেটি ধৰ্ম্ম,—
একে বাটে হওঁ আগুৱান।
একে কৰ্ত্তব্য, একেটি লক্ষ্য
ফুটে সৱাতে মনৰ ঐক্য;
আজি শুভক্ষণে সৱে ৰঙ মনে
হওঁ এক-গঁথা একেটি প্ৰাণ।
⸺⸺
১৮৪১ শক |