এই পৃষ্ঠাটোৰ বৈধকৰণ হৈছে
প্ৰতিধ্বনি
( ৬০ )
মাৰিবি বঠা, মাৰিবি ডাৰ,
ধৰিবি গোৰ খন বলেৰে গাৰ;-
বাৰিষাৰ সোঁততে দিছোঁ ভেল মেলি
নেজানো ক’তবা উঠিম পাৰ।
বাঢ়নী পানী কৰে টলবল
নামিছে বলিয়া ধল,⸺
আমি নাৱৰীয়া আজি দুপৰীয়া
বানৰ বেগকে কৰিছোঁ সাৰ
ফন্-ফন্ কাটি আহিছোঁ ধাৰ।
আহিব বিয়লি এন্ধাৰে ঢাকি
উৰিব নিশাৰ কলীয়া পাখি
খৰালি উৰুঙা পৰিব টটঙা
নাৱে দিব পানী, ভাঙিব ডাঁৰ
-নাই সি ভাৱনাৰ সময় আমাৰ।
ডকা চাকনৈয়াত পৰেহি নাও
ঢোলোকে-ঢোলোকে পানীকে খাওঁ
(পুনু) চলে জাত জাত,-
ডেকাধনি গাত,
—উৰে যৌৱনৰ উলাহী পাল;
বলিয়া বতাহ, বলিয়া ধাৰ
⸻
১৮৩৯ শক |
