এই পৃষ্ঠাটোৰ মুদ্ৰণ সংশোধন কৰা হৈছে
-গীতি-মালা-
( ২২ )
ভাগিলে ভাগিলে প্ৰেমৰে থাপনা
নিঠুৰে নাশিলে মিলন পূৰ,
গুপুতে জাগিলে বুকুতে বেদনা
সুখৰে অমিয়া পৰিলে ওৰ।
কপালতে পিন্ধি বিজয় কপালী,
মানবী জনম কৰা ৰূপোৱালি,
গগনে-পৱনে সজোৱা দীপালী
বজোৱা ত্যাগৰ ভূপালী সুৰ৷
—
( ২৩ )
তুমি যদি মোৰ অতিকে আপোন
তুমিয়ে অতিকে পৰ,
তোমাৰ কাৰণে তোমাতে মজিলো
তুমিয়ে ভাঙিলা ঘৰ।
ৰাতি দিন কৰি জীৱন কটালো,
তোমাৰ দুখতে চকুলো টুকিলো,
আজিহে বুজিলো বুকুৰ বাতৰি
বুকুৱে বুকুৱে লৰ।
[ ৫৮ ]
