এই পৃষ্ঠাটোৰ বৈধকৰণ হৈছে
৮৩
পদ্যাৱলী।
( ১০ )
মৰিও অমৰ সেই জনা নৰ
যাৰ কীৰ্ত্তি জগজন,
গায় সংসাৰত প্ৰেম-ভক্তিভাৱে
কৰি সদা সোঁৱৰণ।
মইনা।
( ১ )
অতি চেনেহৰ, অকণ পখিটি,
বৰ ভাল পাওঁ তোক;
নোৱাৰোঁ এৰিব, ক্ষন্তেকৰ হেতু
মৰমে বাঁধিছ মোক।
খাওঁতে, লওঁতে, উঠোতে, বহোঁতে,
ভাবোঁ মই সৰ্ব্বদায়;
তয়ে ময়ে যেন, একেটি পৰাণ,
ভিন্-ভাৱ একো নাই।
(২)
কোনোবা কালত, নপৰে মনত,
আছিলি সোদৰ তই,
সি কাৰণে তোৰ, ভাল পোৱা গুণে,
আজি বন্ধা আছোঁ মই।
