এই পৃষ্ঠাটোৰ বৈধকৰণ হৈছে
৮০
পদ্যাৱলী
( ২৯ )
“কিন্তু তুমি মায়ামুক্ত, বৰ পুণ্যবান!
ধন্যা কুন্তী জন্মদাত্ৰী, লভিলে পৱিত্ৰ শান্তি,
ওপজাই তোমা হেন সুযোগ্য সন্তান;
ধৰ্ম্ম পথে থাকা বাছা ধৰ্ম্ম কৰি সাৰ,
তেনেহলে দুখৰ সাগৰ হবা পাৰ।”
( ৩০ )
“কুৰুকুল হব ক্ষয়, আৰু দিন নাই,
ভৱিষ্য বুৰঞ্জী এই, ভাঙিলো তোমাত মই
পালিবা পৃথিৱী সাৰ্ব্বভৌম-পদ পাই;
এই লোৱা চাৰি ভাই পাঞ্চালী সহিত,
পুনুগৈ আশ্ৰমত সাধা নিজ হিত।”
⸻
বিষয়ী।
( ১ )
হে বিষয়ী নৰ! কিয় আজি তুমি
এনে বিয়াকুল হৈ,
ঘূৰিব ধৰিছা বাট হেৰুৱাই
অযথা সাৱটি লৈ?
