এই পৃষ্ঠাটোৰ বৈধকৰণ হৈছে
৮১
পদ্যাৱলী
(২)
ঈশ্বৰ প্ৰদত্ত বিবেক উপেক্ষি
যিটে এই সংসাৰত,
মদ-মত্ত ভাৱে কৰ্ত্তব্য পাহৰি
ফুৰে সদা অবাৱত।
( ৩ )
সেইয়ে বোধ শূন্য জ্ঞানীৰ নগণ্য
মিছা তাৰ ই জনম,
দুৰাশা সাৱটি ঘূৰোঁতেই তাৰ
নিসিজে একোটো কাম।
(8)
‘তোৰ মোৰ’-ভাৱ সদায়ে লগত
যেন সি অজৰামৰ,
চকু থাকোঁতেও ঘূৰি ফুৰে মাথোঁ
বাট এৰি সজনৰ।
(৫)
ঐহিক সুখকে সুখ বোধ কৰি
কটায় জীৱন মিছা;
নাভাৱে কাচিতো আহিছে যে সেই--
আঁউসীৰ কাল-নিশা।