এই পৃষ্ঠাটোৰ বৈধকৰণ হৈছে
৯২
শ্ৰীশঙ্কৰ মহাভাগৱত
গুৰু পুৰোহিত সহিতে উঠিয়া
অৰ্চ্চিলা নৱসিদ্ধক।
ভৈলা অন্তৰ্ধ্যান নৱসিদ্ধ তৈতে
সুমৰি মনে কৃষ্ণক॥
ভাগৱত ধৰ্ম্ম নিমিয়ো আচৰি
সুদৃঢ় কৰিয়া মতি।
কৃষ্ণৰ চৰণ কৰিয়া স্মৰণ
পাইলন্ত পৰম গতি॥ ৪১২
আবে বসুদেৱ শুনিলাহা যেন
ভাগৱত ধৰ্ম্মচয়।
শ্ৰদ্ধায়ে আচৰি তুমিয়ো লভিবা
পৰম গতি নিশ্চয়॥
সুধিলা নিমিত্তে কহিলো তোমাৰ
নলাগে এতেক শ্ৰম।
তোমাথেৰ ভাগ্য কি কহিবো যাৰ
ঘৰত পৰম ব্ৰহ্ম॥ ৪১৩
তোৰা দুইৰ যশে জগত যুড়িল
তোহ্মাৰ চিন্তা কিসক।
আৰো সোধা কথা পুত্ৰ পায়া আছা
ঈশ্বৰ মহা হৰিক॥
ভাগৱত ধৰ্ম্মে মন শুদ্ধ কৰে
জানিবা আন প্ৰাণীৰ।
