পৃষ্ঠা:নিমি-নৱসিদ্ধ সংবাদ.djvu/৭৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৭৩
নৱসিদ্ধ সংবাদ

দুৰ্জ্জন মনৰ সঙ্গে ভৈলো সৰ্ব্বনাশ।
নকৰিলো প্ৰাণ প্ৰভু তোমাত বিশ্বাস॥
আপুনি উদ্ধাৰ কৰা কৃপাময় মোক।
বোলা ৰাম ৰাম যত সামাজিক লোক॥ ৩২৬


ছবি

পুনৰপি পুছিলন্ত  নৃপতি প্ৰণতি কৰি
 শুনিয়োক সবে মহামুনি।
হৰিৰ ভকত সবে বিঘ্নিৰ মুণ্ডত ভৰি
 দিয়া ফুৰে কহিলা আপুনি॥
যিটো সবে ইন্দ্ৰিয়ক  জিনিবাক নপাৰয়
 ভোগত অধিক আশকতি।
কৃষ্ণৰ ভকতি হীন  ব্যৰ্থে আয় কৰে ক্ষীণ
 কৈয়ো তাসম্বাৰ কেন গতি॥৩২৭

মহৰ্ষি চমসৰ চতুৰাশ্ৰম কথন

শুনিয়া চমস সিদ্ধে  সম্বুদি সিদ্ধান্ত দেন্ত
 কহোঁ কথা তোমাত সম্প্ৰতি।
হৰিত নাহিকে মতি  নকৰে ভকতি ৰতি
 শুনা যেন তাহাৰ বিপত্তি॥