এই পৃষ্ঠাটোৰ বৈধকৰণ হৈছে
১৪
শ্ৰীশঙ্কৰ মহাভাগৱত
পাছে নৃপবৰ, পৰম দুষ্কৰ,
শুনিলা কৰ্ম্ম ভকতি।
যোগীৰো দুৰ্গম, মনক নিয়ম,
কৰিবে কাৰ শকতি॥
মাথা চপৰাই, গুণে নিমিৰায়,
নপাই সংসাৰ পাৰ।
হাসি কবি সিদ্ধে, বোলন্ত নৃপতি,
চিন্তা কৰা পৰিহাৰ॥ ৬০
কৃষ্ণত নিশ্চয় কৰিয়ো হৃদয়
যেবে বাক্য শুনা মোৰ।
সুদৃঢ় বিশ্বাসে অতি অপ্ৰয়াসে
তৰিবা সংসাৰ ঘোৰ।
ভকতি সুলভ দেৱৰো দুৰ্ল্লভ
যোগীয়ো নজানে যাক।
পৰম সুগম পথ যিটো অতি
বেকত কৰিবো তাক॥ ৬১
ছবি
অনাদৰি আনধৰ্ম্ম মাধৱৰ জন্ম কৰ্ম্ম
শুনিবেক মহন্তৰ মুখে।
জগত প্ৰসিদ্ধ নাম কৃষ্ণ বিষ্ণু হৰি ৰাম
লাজ এৰি গাইবে মহা সুখে॥
