পৃষ্ঠা:নিমি-নৱসিদ্ধ সংবাদ.djvu/১৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১৩
নৱসিদ্ধ সংবাদ

উপদেশ দাতা,  যিটো গুৰু থাকে,
 তাঙ্কে হৰি বুলি মানে॥
যিটো ভকতক,  মায়া এৰি আসে,
 প্ৰমাণ পাৱে মনত।
চাৰে আন কাম,  নেড়ে গুণনাম,
 উপজে ৰতি কৃষ্ণত॥ ৫৭
হেনবা বুলিবা  বিষয়ী লোকৰ,
 আছে দম্ভ অহঙ্কাৰ।
সিসবৰ কেনে,  হৈবেক কৃষ্ণত,
 ভকতি অব্যভিচাৰ॥
নেৰাই মৃত্যু ভয়, হেনবা সংশয়
 কৰিবা তুমি নৃপতি।
শুনিয়ো মহন্ত, ইহাৰ সিদ্ধান্ত
 তোমাত কহোঁ সম্প্ৰতি॥ ৫৮
যতেক বিষয়, সবে মায়াময়,
 মনেসে কৰে প্ৰকাশ।
পুত্ৰ দাৰা ধন, সবেও সপোন,
 ক্ষণেকতে হোৱে নাশ॥
হেন জানি যিটো,  মনক নিয়মি
 কৃষ্ণত ভকতি কৰে।
সেহি মহাশয়, এৰাই মৃত্যু ভয়,
 সুখে সংসাৰক তৰে॥৫৯