এই পৃষ্ঠাটোৰ বৈধকৰণ হৈছে
৭০
নিবেদন৷
নেথাকে দুজন ৰজা সমান প্ৰতাপী
একে লগে এখন দেশত,
মহাৰাজ এজনকে নোজোৰে কদাপি
থাকিবৰ ঠায়ে জগতত।
⸻
নম্ৰ।
তলত থাকিলে ভয় নাই পৰালই,
তল হ‘লে গপ নাই তাৰ;
পৰম পবিত্ৰ বন্ধু বিশ্ব-জগতৰ
তেওঁ বন্ধু, বন্ধু নাই যাৰ।
যি আছে সেয়েই মোৰ শত গুণে ভাল,
আধাপেটী যদিও ভোকত;
প্ৰফুল্ল সন্তুষ্ট চিত থাকে যেন মোৰ
তেনেহ‘লে নপৰোঁ দুখত।
⸻
কণা ল’ৰা
ডাঙ্গৰ নগৰ খনি ঘৰতেই ঘৰ,
মানুহৰ গুণে সন্ধি নেপায় বাটত,
তাত এটি কণা লৰা সদাই গধুলি
ফুৰে আহি গান গাই চাকি পোহৰত।
