পৃষ্ঠা:নাম-মালিতা.djvu/১১

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
(৫)

কৰা উপগ্ৰন্থ যাৰ যেন মনে লয়।
কোন মতে আহ্মাৰ ভকতি ছন্ন হয়॥
নানা ধৰ্ম্ম কৰ্ম্ম দেখায়োক নানা সুখ।
তাক দেখি হৌক লোক আমাত বিমুখ॥২১।
তুমি সব পাইবা পূজা বাঢ়িবেক সৃষ্টি।
কৃষ্ণৰ বচন যেন অমৃতৰ বৃষ্টি॥
দেৱতা যবক কৃষ্ণে কৰি বৰ দান।
মহেশকো আজ্ঞা হৰি দিলা বিদ্যমান॥ ২২।
নানা বিধ কল্পিত আগম কাৰয়োক।
নানা ধৰ্ম্ম দেখায়া গুপুত কৰা মোক॥
কৃষ্ণৰ মোহন বা কেহোঁ নাকলিল।
কেবলে মহেশে মাত্ৰ ইহাক তৰ্কিল॥ ২৩।
শুনিয়া মহেসে আতি পাইলা অসন্তোষ।
কৃষ্ণক অবজ্ঞা কৰিলত হোৱে দোষ॥
বুলিল বচন ধৰি কৃষ্ণচৰণত।
তোহ্মাক যদ্যপি ছন্ন কৰো আগমত॥ ২৪
অমোচন পাপ তেবে হৈবেক আমাৰ।
কোটি কলপতো আৰ নেদেখোঁ নিস্তাৰ॥
সহস্ৰেক ব্ৰহ্ম বধ যদি কৰে নৰে।
তোহ্মাৰ সেৱাত তাকো অনায়াসে তৰে॥২৫
তোহ্মাক অবজ্ঞা প্ৰভু কৰে যিটো জন।
কোটি কলপতো তাৰ নেদেখোঁ মোচন॥