এই পৃষ্ঠাটোৰ বৈধকৰণ হৈছে
৮৬
নল-দময়ন্তী।
পণ্ডিতে বেঢ়িছে সভা, ইন্দ্ৰ সভা জিনি শোতা
শাস্ত্ৰৰ প্ৰসঙ্গ ৰাত্ৰি দিন।
মহা মহা বীৰগণ, কৰে নানা আলোচন;
আৰু কত বহিছে প্ৰবীণ॥
নটীয়ে কৰিছে নৃত্য, চাৰি পাশে বেঢ়ি ভৃত্য;
চামৰেৰে কৰে সমীৰণ।
শ্বেত ছত্ৰ ধৰে শিৰে, ভাটে যে ভটিমা পঢ়ে;
ৰাজকাৰ্য্য কৰে আলোচন॥
ই সময়ে নলৰাজ, আসিলা সভাৰ মাজ;
ছিন্ন বস্ত্ৰ মলিন আকাৰ।
দেখি ঋতুপৰ্ণ ৰায়, সমাদৰে বহুৱাই;
জিজ্ঞাসা কৰিলা সমাচাৰ॥
কৈত ধাম কিবা নাম, হেথা আছে কি সকাম;
আৰু তুমি হোৱা কোন জাতি।
নল বোলে নৰপতি, কহো মোৰ গুড়ি আঁতি;
শুনা ৰাজা মোহোৰ মিনতি॥
আছিলো নলৰ ৰাজ্যে, নিযুক্ত সাৰথী কাৰ্য্য়ে
সুত জাতি নামত বাহুক।
নলৰাজা গৈলা বনে, ভৈলো দুঃখী সিকাৰণে;
পুষ্কৰেও দুঃখ দেই মোক॥
যদি ৰাখা থাকো মই, অশ্বগণে ৰাখো গই;
শুনা ৰাজা কৰোহো মিনতি।
