পৃষ্ঠা:দেৱ-ধ্বনি.djvu/৭৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
দেৱধ্বনি
 


(৫৯)

হে সুন্দৰ,হে সুধী!
দিছিলাহি দেখা যেৱে,
আছিলোঁ মই নয়ন মুদি
নিৰলে মোৰ অন্ধকূপত
আৰাধি জ্ঞান-কৰ্ম্ম-বুধি।
আজি কৰ্ম্ম-বিহীন প্ৰাণ,
আজি মোৰ লুপ্ত জ্ঞান,
আজি মোৰ বুধি হত, নীৰৱ বীণাৰ তান।
বিজন এই সন্ধ্যাবেলা
সৱে মোক দিছে এৰা,—
সন্ধ্যাকাশৰ ধ্ৰুৱ তৰা,
তুমি মাথোঁ আছা উদি!
আজিও তো তুমি নিত্য
সঙ্গী মোৰ অনাদৃত
সুন্দৰ সুধী!

আঘোন, ১৮৫০ শক ]