এই পৃষ্ঠাটোৰ বৈধকৰণ হৈছে
দেৱধ্বনি
(২১)
জিৰণিৰ এয়েনে পৰ,
ডেকাদেউ, জিৰণিৰ এয়েনে পৰ?
আতুৰত মাতৃ মাতিছে কাতৰে;-
ছাউনি পেলালে গাঁৱে-নগৰে
শতুৰে মাৰিলে গড়;
চোৰ যে সোমাল ঘৰ,-
আজিও যদিহে নেভাগে আমোল,
নুশুনা ডেকাদেউ দেশৰ আন্দোল
নুগুণা অথ্ন্তৰ,-
আমিয়ে নিছলা হজুৱা প্ৰজা,
সম্মুখত লৈ জাতীয় ধ্বজা
সোমাও গৈ দোপ্ দৰ।
আমিয়ে যদি চহা-বনুৱা
হব লাগে আগৰণুৱা
জাতীয় যুজঁৰ,
আহাঁ, ভাৱনাৰ আছেনে পৰ?
কাতি, ১৮৫৩ শক)
