পৃষ্ঠা:দেৱ-ধ্বনি.djvu/১৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
দেৱধ্বনি
 

(২)

জয় জয় জাগ্ৰত জগত-জীৱন, জয় জয় হৃষিকেশ,
জননী পূজা মণ্ডপত মঙ্গল সমাৱেশ!

গম্ভীৰ গিৰি-ৰাজি অৰণ্য-সঙ্কুল পৱিত্ৰ লোহিত্য-পাৰে
পুৰাণ-পৰিচিত প্ৰাগ্‌-জ্যোতিষ্কৰ অতীত-গৌৰৱ-দ্বাৰে,
সত্য সনাতন ভাগ্য-নিয়ন্তা—
দনুজ-দলন তামস নিহন্তা—
কাণ্ডাৰী প্ৰভু বিঘ্নি নিবাৰি কৰা তযু মহা নিৰ্দ্দেশ!

বহু শতাব্দী মৌন-হীনতাৰ বিদাৰি তামস-নিশা—
দিশে দিশে উদে পুণ্য জ্যোতিষ্কৰ সহস্ৰ উজ্জ্বল শিখা!
দুঃখ-দৈন্য-নিপীড়িত দুৰ্ব্বল দেহাত কৰা নৱ শকতি সঞ্চাৰ;
অতি নিঃকিন আয়োজন জননী পূজাৰ;—
সম্বল বল তোমাৰ।

আঘোন, ১৮৪৮ শক]